Amerika Birləşmiş Ştatlarında təqaüdlə təhsil, bir çox tələbə üçün arzulanan bir haldır. Bu ödənişsiz təhsil imkanı, Amerika’nın müxtəlif universitet və kolleclərindən birində təhsil almaq istəyəntələbə üçün əvəzolunmaz şans hesab oluna bilir. Lakin, təqaüdlə təhsil prosesi o qədər də asan bir proses deyil.Universitetlər daim göstəriciləri yüksək olan tələbələri bu imkanla mükafatlandırmağa üstünlük verirlər ki, nəzərdən keçirilən bu göstəricilərə SAT balı da daxildir.Gəlin təqaüd proqramına qəbul zamanı SAT bal göstəricisini də nəəzrə alan universitetlərə nəzər salaq.
Uiversity of Mississippi
Ole Miss kimi də tanınan və ABŞ-da yerləşən bu universitet ictimai, təhsil tədqiqat universitetidir. Bu universitetə müraciət zamanı SAT balınız və digər göstəricilərinizin fərqlənməsi ilə təqaüd qazana bilərsiniz. Təqaüd qazanmaq üçün minimum 1130-1200 aralığında SAT balı ilə müraciət etməlisiniz.
University of Missouri
Kolumbiyada yerləşən bu universitet Amerikada bir çox sahə üzrə araşdırmalara ev sahibliyi edir. Universitet müraciətçilərə təqaüd qazanma fürsəti vermək üçün minimum SAT balını 1130 olaraq təyin etmişdir.
University of Tennessee
Amerikada yerləşən bu universitetin təqdim etdiyi təqaüd proqramına uyğun olmaq üçün sizə güclü GPA və yetərli SAT balı lazımdır.Burada yetərli SAT balı dedikdə 1300-1490 aralığındakı bal hesab olunur.Uğur faizinizdən asılı olaraq təqaüdün şərtləri dəyişir.
Utah State University
Amerikada yerləşən universitetlərdən biri olan bu təhsil müəssisəsi də tələbələrə bir neçə göstərici əsasında təqaüd proqramından yararlanaraq təhsil almağı təklif edir ki, bu göstəricilərdən biri də SAT balıdır.Təqaüd proqramından yararlanmaq üçün Utah əyaləti sakini olmayan şəxslərin toplamalı olduğu bal aralığı 960-1570 kimi təyin olunur.Qeyd etmək laızmdır ki, SAT bal aralığı tək qiymətləndirmə meyarı kimi qəbul olunmur, onunla birgə bir neçə amil də nəzərə alınaraq tələbələr üçün fərqli təqaüd müddəti və miqdarı təyin olunur.
Texas Tech University
Texasda yerləşən, 60 araşdırma mərkəzi və instituta ev sahibliyi edən bu universitetdə təqaüdlə təhsil almaq üçün lazım olan ortalama SAT balı daha dəyişkəndir.Məsələnən siz 1200 bal toplayaraq təqaüd proqramına müraciət etdiyinizdə rəqiblərinizin 30%-ni, 1400 balla müraciət etdiyini zzaman isə 40%-ni geridə qoymuş olursunuz.
Florida A&M
Amerikanın Florida ştatında yerləşən bu universitet tələbələri təqaüd proqramından yararlanma imkanı ilə təmin etmək üçün minimum SAT balını 1400 olaraq təyin etmişdir.Yığdığınız bal və digər göstəricilər də nəzərə alınaraq siz təhsil haqqınınız qarşılanacaq şəkildə bu universitetdə təhsil ala bilərsiniz.
