Hər bir tələbə SAT imtahanına daxil olmazdan öncə təhsil almaq istədiyi və ixtisasına uyğun olan universiteti və ölkəni müəyyənləşdirərək hərəkətə keçir. Əksər hallarda Amerikada yerləşən reytinqli universitetlər tələbələrin maraq daiərsində olur. Gəlin SAT balınızla müraciət edə biləcəyiniz bir neçə Amerika universitetinə nəzər salaq.

Harvard Universiteti

İlk olaraq dünyanın ən məşhur və ən seçkin universitetlərindən biri olan Harvard`ın SAT ballarına necə yanaşdığına nəzər salaq. Bu universitetdə təhsil almaq üçün ehtiyacınız olan ortalama bal 1520-dir. Ümumi nəticələrin 25%-lik dilimindəki SAT balı 1460, 75%-lik dilimdəki SAT balı isə 1580 olaraq qəbul olunur. Yəni Harvard Universitetinə 1460 balla müraciət etsəniz, balınız bütün müraciət edən tələbələrin 25%-nin balından yüksək sayılır. Eyni şəkildə 1580 balla müraciət etdiyiniz halda, siz bütün müraciətçilərin 75%-indən daha yüksək balla müraciət etmiş olursunuz.

Massachusetts İnstitute of Technology

ABŞ-nın Massaçusets ştatında, Kembric şəhərində yerləşən bu universitet elm və texnologiya, robot texnikası və süni intellekt sahələri üzrə ən qabaqcıl universitetdir və məhz bu xüsusiyyətinə görə o “Kompüter texnologiyalarının mərkəzi” olaraq tanınır.Əhatə etdiyi sahələr üzrə lider hesab olunan bu universitetə müraciət üçün ortalama SAT balı 1543-dür. Nəticələrin 25%-lik dilimində mövqe tutan bal 1520, 75%-likdə yerləşən isə 1570dir.

Stanford Uniersity

Təhsil keyfiyətinə görə ən reytinqli universitetlər arasında ilk 3-ə girməyi bacaran Stanford universiteti ABŞ-ın Kaliforniya ştatında yerləşir. Elm və texnikanın ən qabaqcıl sahələri üzrə tədqiqatların aparıldığı institut və laboratoriyalara ev sahibliyi edən bu seçkin ali təhsil müəssisəsi dünyanın ən nüfuzlu universitetlərindən biri hesab olunur.Universitet tələbə qəbulu zamanı ortalama SAT balını 1505 olaraq təyin etmişdir. Bu universitetdə 25%-lik bölümün balı 1520, 75%-lik bölümün balı isə 1570 baldır.Yəni 1520 bal sizi ortalamanın aşağısında yerləşdirdiyi halda, 1570 bal sizi ortalamanın üstündə mövqeləşdirərək qəbul şansınızı artırır.

Yale University

Amerikanın ən qədim şəhərlərindən biri Nyu-Heyvendə yerləşən Yale Universiteti tələbələrin təhsil almaq arzusunda olduqları məşhur universitetlərdən biridir. Bu universitetin sizi müəyyən səviyyədə qiymətləndirməsi üçün ortalama SAT balınız 1515 olmalıdır. Müraciətçilərin 25%-indən daha çox qəbul olma şansına malik olmaq istəyirsinizsə 1470, 75%-indən daha üstün olmaq üçün isə 1570 bala ehtiyacınız var.

California İnstitute of Technology (Caltech)

İnstitut Amerika Birləşmiş Ştatlarının Kaliforniya ştatının Pasedena şəhərində yerləşir.Caltech daha çox təbii elmlər və mühəndislik sahəsinə marağı olan tələbələrin nəzər yetirdiyi bir təhsil müəssisəsidir. Universitetə müraciət üçün ehtiyacınız olan ortalama bal 1545-dir. Rəqiblərinizin 25%-ni kölgədə qoymaq üçün ehtiyacınız olan bal 1530, 75%-ni ötüb keçmək üçün lazım olan bal isə 1570 baldır.

Columbia University

New-York şəhərində yerləşən bu özəl ali təhsil müəssisəsi Amerikanın ən qədim 5-ci universitetidir.Bu universitetə SAT balı ilə müraciət etmək istəyən tələbələr ortalama 1524 bal toplamalıdırlar.Müraciətlər üzrə 25%-lik bölümün balı 1500, 75%-lik bölümün balı isə 1560 baldır.

Princeton University

Bu özəl ali təhsil müəssisəsi ABŞ-ın Nyu-Cersi ştatının Prinston şəhərində yerləşir. Nyu-Cersi Kolleci adı ilə fəaliyyətə başlamış bu universitet Harvarddan, William və Marry, Yel kolleclərindən sonra Şimali Amerikada yaranmış dördüncü kollecdir. Hazırda tərkibinə texniki və tətbiqi elmlər məktəbi, biologiya, kimya, iqtisadiyyat, fizika, fəlsəfə, siyasət, psixologiya və s. kimi fakultələr daxil olan bu universitetdə təhsil almaq istəyən tələbələrin ortalama SAT balı 1518 olmalıdır. Müraciət zamanı 25%-lin bölümə aid olmaq üçün 1500, 75%-lik bölümdə mövqe tutmaq üçün isə 1560 bala ehtiyacınız var.

University of Chicago

ABŞ-da ən böyük universitet nəşriyyatının yerləşdiyi, fərqli tədris planı ilə digər universitetlərdən fərqlənin bu universitet Çikaqo çəhərində, İllinoys ştatında yerləşir.Universitet üçün ortalama hesab ediləcək bal 1520-dir. Bütün müraciətlərin 25%-indən daha şanslı olmaq üçün 1510, 75%-indən daha şanslı olmaq üçün isə 1560 bala ehtiyacınız var.

University of Pennsylvania

Dünyanın aparıcı universitetləri sırasında yer alan bu özəl ali təhsil müəssisəsi ABŞ-ın Pensilvaniya ştatının Filadelfiya şəhərində yerləşir. Qeyd etmək lazımıdr ki, eyni şatatda Pensilvaniya Ştat universiteti və Filadelfiya universitetləri də mövcuddur ki, insanlar bəzən ad bənzərliyi və ya eyni coğrafi mövqedə yerləşdiyinə görə bu təhsil müəssisələrini qarışdıra bilirlər. Humanitar və elmi-texniki elmlər üzrə apardığı tədqiqat işləri ilə məşhur olan bu universitetdə təhsil almaq imkanı qazanmaq istəyən tələbələrə lazım olan ortalama SAT balı 1500-dür. Müraciətlərin 25%-lik bölümündə yer almaq üçün 1440, 75%-lik bölümündə yer almaq üçün 1560 bal toplamalısınız.

Johns Hopkins University

ABŞ-nın Merilend ştatının Baltimor şəhərində yerləşən bu özəl universitet ölkənin ən qabaqcıl elmi-tədqiqat mərkəzlərindən biridir.Nəzdində müxtəlif sahələr üzrə ixtisaslaşmış məktəb və institutların fəaliyyət göstərdiyi bu universitetə qəbul üçün toplamalı olduğunuz ortalama SAT balı 1513-dür.Rəqabət zamanı namizədlərin 25%-ni geridə qoymaq üçün ehtiyacınız olan bal 1520, 75%-ni geridə qoymaq üçün toplamalı olduğunuz bal 1560-dır.

Yuxarıda haqqında məlumat verdiyimiz universitetlər daxil olamaqla, xarici universitetlərə qəbul üçün SAT balı ilə yanaşı tələb olunan digər göstəricilərin də tənzimlənməsinə diqqət yetirməyiniz olduqca önəmlidir. Müraciət prosesində gözlənilməz hallarla qarşılaşmamaqdan ötrü, ümumi prosesin bütün mərhələri və müraciət edəcəyiniz universitetlərin qəbul şərtləri barədə ətraflı məlumata malik olmalısınız.