Tələbələrin imtahana qeydiyyatdan öncə maraqlanmalı olduğu məsələlərdən biri də rəqəmsal SAT imtahanında iştirak üçün lazım oldan məbləğdir. İmtahana qeydiyyat üçün lazım olan ödənişlər zəruri və əlavə olaraq 2 hissəyə ayrıla bilər. İlk olaraq bütün əcnəbi tələbələrə şamil olunan ödənişə nəzər salaq.
Zəruri ödəniş
İmtahana qeydiyyat zamanı tələbələrin ödəməli olduğu məbləğ 60$ təşkil edir. İmahana Amerikada qatılmayacaq tələbələr üçün isə əlavə 43$ məbləğində ödəniş nəzərdə tutulmuşdur.Yəni, siz Amerika xaricində bir ölkədə imtahan verirsinizsə, bu zaman sizin edəcəyiniz toplam ödəniş 103$ təşkil edir.
Əlavə ödənişlər
Yuxarıda qeyd olunanlar hər bir əcnəbi tələbənin qeydiyyat üçün ödəməli olduğu məbləği göstərir. Digər ödənişlər isə imtahan nəticələri və ya müraciətlə əlaqəli əlavə xidmətlərə şamil olunur və imtahana Amerikada qatılıb qatılmamağından asılı olmayaraq hər bir tələbə üçün keçərlidir. Bu əlavə proseslərin həyata keçirilməsi üçün lazım olan ödənişlər aşağıdakı kimidir:
– Qeydiyyatın gecikməsiylə bağlı ödnəniş : 30$ (Son qeydiyyat tarixindən sonrakı gecikmiş son qeydiyyat tarixinə qədər müraciətlər üçün )
– İmtahan mərkəzini dəyişdirmək üçün ödəniş : 25 $
– Qeydiyyatı ləğv edib ödənişin qaytarılması – 25$ ( qeydiyyatda dəyişiklik üçün nəzərdə tutulan son tarixə qədər)
– Qeydiyyat ləğvi üçün gecikmiş müraciət -30$ ( son dəyişiklik tarixindən sonra, imtahan günündən əvvəlki cümə axşamı 23:59-a qədər)
– Əlavə bal – hər ərizə üçün 14$ (imtahandan sonraki ilk 9 gün içərisində sifariş etsəniz, ilk 4 imtahanınız üçün bu xidmət pulsuz olacaq)
– Təcili ərizə- 31 $
– Balları telefonla almaq – hər müraciətə 15$
– Arxivlənən ballar- 31 $
İmtahanda iştirak üçün lazımi məbləğ 103$ təşkil edir. Bu məbləğ əlavə xidmətlərin istifadə olunması və ya müraciətdəki dəyişiklərlə bağlı dəyişə bilər.
